نام نہاد وجاہلِ شریعت صوفیاء سے بچئے اور حقیقی صوفیاء سے قریب ہوجائیں

معصوم وسادہ لوح مسلمانوں پر ظلم وزیادتی کرنے والے ،حب جاہ وحب مال کےطالب اِس راہ میں قدم رکھے اوراِس دینِ اسلام کی اصل شبیہ اورخاص طور پر شعبۂ تصوف کو اتنا بگاڑ دیا کہ اس میں رسوم وبدعات،ناجائز وحرام چیزوں کو اِس کثرت سے داخل کردیا کہ لوگ اس کو دیکھ کر بِدکنے اورچمکنے لگے اوراِس سے آہستہ آہستہ دور ہونے لگے یہاں تک کہ امت کا ایک بڑا طبقہ اس عظیم خیر سے دور ومحروم ہوتا چلاگیا اور آج اِس سے نفرت کرنے لگا اور دوسروں کے دلوں میں اس سے متعلق نفرت کے بیج بونے لگا۔

اور کچھ ان اپنے اہل حق صوفیائے کرام سے بھی نقصان پہنچا جو عالم شریعت نہیں تھے یا علم تو تھا ؛لیکن ان پر عشق ومحبت ،شہود ویافت کا اتنا غلبہ ہوا کہ وہ قانون شریعت محمدیہ کے حدود وقیود کا پاس ولحاظ نہ رکھ سکے ،چونکہ یہ راستہ عشق ومحبت کے کمال درجہ کو حاصل کرنے کا ہے اور عام طور پر یہی دیکھا گیا کہ عشق ومحبت کی دنیا میں آدمی مذہب وقانون کو بالائے طاق رکھ دیتا ہے اس لیے وہ شریعت محمدیہ کے حدود کو پھلانگ گئے ؛لیکن چونکہ ہم فی الحال ایک ایسی دنیامیں رہتے ہیں جہاں قانون خداوندی یعنی شریعت محمدیہ کے حدود وقیود کی حکومت چلتی ہے اور اسی پر دنیا وآخرت کی کامیابی کا دار ومدار رکھا گیا ہے۔

★=====★