علوم باطنہ اور اس کی اہمیت

علومِ ظاہرہ کی طرح علوم باطنہ بھی ہوتے ہیں، جس کو مختلف الفاظ سے تعبیر کیا جاتا ہے، جیسے ایک ظاھری شریعت ہے تو دوسرے باطنی شریعت،ایک ظاہری فقہ ہے تو دوسری باطنی فقہ ،جس طرح انسان کو اس مادی دنیا میں ظاہر ہونے کے لیے ایک مادّی جسم کی ضرورت تھی تو یہ اس کا جسمِ ظاہری ہےاور ایک اُس کا جسمِ باطنی بھی ہوا کرتا ہے، جس کو حقیقت بھی کہتے ہیں یعنی روح، جس طرح جسم کے اعضاء ہوتے ہیں؛ اِسی طرح روح کے بھی اعضاء وجوارح ہوتے ہیں؛ یہی وجہ ہے کہ اگر اس کے جسم ظاہری ہاتھ پیر پر کوئی چیز کاٹ لے تو اُس کو تکلیف ہوتی ہے یہ تکلیف اُس کے جسمِ ظاہر کے ساتھ اصل اُس کی روح کوہوتی ہے، یہی وجہ ہے کہ اگر اِس جسم ظاہری میں روح نہ ہو تو اِس کے ٹکڑے ٹکڑے کردو تب بھی تکلیف تو کیا کوئی حرکت بھی نہیں ہوتی؛ اس سے دو باتیں معلوم ہوئیں،ایک بات تو یہ معلوم ہوئی کہ روح کے بھی اعضاء وجوارح ہوتے ہیں ،تب ہی توجسم ظاہری کے اعضاء میں تکلیف کا احساس ہوتا ہے،اور دوسری بات یہ کہ روح اصل ہےاسی لیے جتنے احکامات وہدایات شرعیہ ہیں وہ سب کے سب جسم باطنی یعنی روح سے متعلق ہیں۔

★=====★