دنیا کی حقیقت (ظاہر وباطن میں اصل باطن ہے)

دنیا کا  ایک  ظاہر ہے جس میں زمین وآسمان ،چاند وسورج، سمندر وپہاڑ، انتہائی حسین وجمیل مناظر ،مختلف قسم کے رنگ وروغن اورمختلف قسم کے چرند پرند اور حسین وجمیل صورتیں اورخوبصورت ہیرے جواہرات وغیرہ اور ایک اس کا باطن، یعنی ان کی حقیقت وحیثیت ، سبب کے اعتبار سے حقیر مٹی اور حقیقت کے اعتبار سے امرِرب ہے مٹی سے بنی ہیں اورمٹی ہی میں مل جائیں گی ، یہ تو دنیا کے ظاہر وباطن کی بات تھی اب رہی بات اس کے حیات وبقا کی تواحادیث میں فرمایا گیاہے کہ دنیا کی حیات وبقاکا تعلق اللہ کے ذکر کے ساتھ ہے اور اس کی موت یعنی قیامت برپا ہونا ،دنیا میں ذکر اللہ کا نہ ہونا ہے ؛یعنی ساری دنیا میں کوئی ایک شخص بھی اللہ کا نام لیوا نہ رہے گا توقیامت برپا ہوگی تو یہی عدمِ ذکر اللہ اس کی موت ہوگی۔

★=====★